Дзівячыся разнастайным з’явам прыроды, мы называем іх цудамі. Гэтае слова дакладней за ўсё выказвае наша захапленне перад неспасціжнай гармоніяй, сілай і прыгажосцю навакольнага свету.
Падобныя эмоцыі нядаўна адчула і жыхарка в. Паліцы Алена Васільеўна Зажэка. На сваім агародзе, які зліваецца з узлескам, жанчына натрапіла на дзіўную знаходку – велізарны баравік. Родныя параілі шчаслівіцы падзяліцца гэтай радасцю з землякамі праз раённую газету, і баравік «прыехаў» у нашу рэдакцыю. Грыб вышынёй амаль 20 см важыў 1,1 кг. Чым не цуд прыроды?!