Xоць і нарадзіўся юбіляр у Краснапольскім раёне Магілёўскай вобласці, усё свядомае жыццё Анатоля Іванавіча, а менавіта з 1960 года, звязана з нашым раёнам. На Бешанковіччыну ён перабраўся пасля заканчэння Гарадоцкага тэхнікума механізацыі сельскай гаспадаркі.
Розныя былі пасады ў сённяшняга юбіляра, але нязменнымі заставаліся яго добрасумленныя і шчырыя адносіны да даручанага ўчастка работы. За гэта і паважалі Манько ва ўпраўленні сельскай гаспадаркі і харчавання райвыканкама.
Павіншаваць Анатоля Іванавіча (на здымку другі злева) з юбілеем завіталі калегі па ўпраўленню райсельгасхарчу Ф. М. Артамонаў, В. В. Дзеравяшкін, старшыня райкама прафсаюза работнікаў аграпрамысловага комплексу А. М. Семяніда. Пажадалі здароўя, дабрабыту і шчасця.