Конкурс на стварэнне песні

Минск встречает II Европейские игры

Міністэрства культуры Рэспублікі Беларусь, дырэкцыя па правядзенні II Еўрапейскіх гульняў 2019 года, Беларуская дзяржаўная філармонія праводзяць паўторны конкурс на стварэнне песні цырымоніі адкрыцця і закрыцця II Еўрапейскіх гульняў, якія пройдуць у Мінску ў чэрвені наступнага года. Заяўкі прымаюцца да 15 мая.


Песні павінны раскрываць тэмы яднання народаў, мірнага спартыўнага спаборніцтва, гасціннасці Беларусі, адлюстроўваць шчырасць і цеплыню краіны, якая прымае ІІ Еўрапейскія гульні. Аўтарамі музыкі і (або) слоў песень на рускай, беларускай і англійскай мовах могуць выступіць як грамадзяне Беларусі, так і замежныя грамадзяне. Адзін удзельнік можа прадставіць не больш за дзве песні.


Заяўкі падаюцца на паштовы ці электронны адрас Беларускай дзяржаўнай філармоніі (220005, Мінск, прасп. Незалежнасці, 50, e-mail:philharmonic@tut.by. Кантактная асоба – Ксенія Кохан, тэлефон +375 17 284 45 34) з пазнакай «Конкурс на стварэнне песні». У пакет матэрыялаў уваходзяць аўдыёзапіс песні, нотны запіс, тэкст на рускай, беларускай ці англійскай мовах. Працягласць музычнага твора для сольнага або калектыўнага выканання – не больш за 3 хвіліны.


Ацэнку песень дасць прафесійнае журы. Пераможцам будуць уручаны спецыяльныя дыпломы і грашовыя прэміі ў памеры 100, 70 і 50 базавых велічынь (1 БВ складае 24,5 руб.).


З падрабязнасцямі ўдзелу ў конкурсе на стварэнне песень для цырымоній адкрыцця і закрыцця II Еўрапейскіх гульняў у Беларусі у 2019 годзе можна азнаёміцца на сайце Міністэрства культуры.