Народны клуб народных майстроў Скарбонка Бешанковіцкага раённага Дома рамёстваў прыняў удзел у юбілейнай выставе

К 80-летию Витебской области

Віцебская вобласць працягвае святкаваць сваё 80-годдзе. З гэтай нагоды ў абласной бібліятэцы імя У. І. Леніна была арганізавана выстава «Юбілейныя сімвалы».


На экспазіцыі прадстаўлены геральдычныя сімвалы ўсіх раёнаў Віцебшчыны, выкананыя ў тэхніцы «вышыўка крыжам па лёне», а таксама сімвалы-абярэгі, якія былі распаўсюджаны ва ўзорах вышыўкі і ткацтва ў рэгіёнах самай паўночнай вобласці краіны.


Народны клуб народных майстроў «Скарбонка» Бешанковіцкага раённага Дома рамёстваў таксама прыняў удзел у юбілейнай выставе, дзе прадставіў дзве работы з выявай герба нашага раёна, а таксама з сімвалам «сонца», што шырока выкарыстаны на вышытых ручніках бешанковіцкага краю. За карпатлівую працу кіраўнік народнага клуба народных майстроў «Скарбонка» Алена Анатольеўна Пагарэльская адзначана дыпломам лаўрэата выставы.



Добавить комментарий

Ваш e-mail не будет опубликован. Обязательные поля помечены *