Рубрика: 2017 год — Год науки

Наш район посетили туристы из Москвы. Группа из 18 человек пожелала принять участие в туристическом маршруте «Дворцово-парковые ансамбли Бешенковичского района», организованном районным историко-краеведческим музеем.

Актыўны ўдзел ва ўрачыстасцях з нагоды 1150-годдзя Полацка прынялі культработнікі нашага раёна.
  З канцэртнымі нумарамі ў горадзе-юбіляры выступалі ансамбль народнай песні “Весялуха”, ансамблевая група аркестра народных інструментаў, мужчынскае трыа народнага хору.

Святочныя мерапрыемствы, прымеркаваныя да 1150-годдзя Полацка, стартавалі ўчора ў культурным цэнтры Беларусі.

В мае-июне текущего года в Полоцке состоятся торжественные мероприятия, посвящённые 1150-летию города. Активное  участие в празднике примут и представители торговых организаций и творческих коллективов нашего района.

Стаць першай прыгажуняй – пра гэта, напэўна, з маленства мараць усе дзяўчынкі. Такі шанц з’явіўся і ў нашых юных зямлячак. У РДК для іх наладзілі конкурс “Міні-міс – 2012”.&

У нядзелю, 29 красавіка, у 15 гадзін у РДК адбудзецца конкурсная праграма “Міні-міс — 2012”. За гэты тытул будуць спрачацца  юныя, пяшчотныя і прыгожыя дзяўчынкі 6-7 гадоў.

Свае першыя работы на суд землякоў вынесла працаўніца мясцовай установы культуры Алеся Пляхневіч. Дзяўчына не так даўно стала вывучаць тэхніку работы ў стылі ніцяной графікі і захапілася гэтым відам мастацтва. Як кажа Алеся, гэта добрае хобі, якое не патрабуе шмат затрат і прыносіць асалоду для душы.

6 красавіка ў Бешанковічах адбудзецца святочны эстрадны канцэрт, прысвечаны Дню яднання народаў Беларусі і Расіі. Да нас на Прыдзвінне завітае ансамбль «Вікторыя» Дэпартамента аховы абласнога ўпраўлення Міністэрства ўнутраных спраў. Музычная сустрэча адбудзецца ў РДК у 17 гадзін.

Публічны цэнтр прававой інфармацыі Бешанковіцкай цэнтральнай раённай бібліятэкі створаны з мэтай павышэння прававой культуры насельніцтва раёна і для забеспячэння свабоднага доступу карыстальнікаў да дакументаў заканадаўча-прававога характару.   
     ПЦПІ вядзе накапленне інфармацыйна-прававых матэрыялаў на розных відах носьбітаў і забяспечвае доступ карыстальнікаў да дакументаў прававой тэматыкі.

На разгляд 15-й сесіі раённага Савета дэпутатаў было вынесена пытанне “Аб праграме захавання гісторыка-культурнай спадчыны Бешанковіцкага раёна на 2012-2016 гады”. Як адзначыў старшыня райсавета дэпутатаў Генадзь Міхайлавіч Шведаў, ахова Бацькаўшчыны, захаванне помнікаў гісторыі і культуры беларускага народа для нашчадкаў маюць першараднае значэнне. Беларусі ёсць што паказаць гасцям і чым ганарыцца. Своеасаблівай візітнай карткай краіны пасля рэканструкцыі стаў Нясвіжскі замак, іншыя аб’екты, чыя гісторыя адыходзіць да далёкага мінулага.
   Прывабны ў гэтым плане і наш рэгіён. Сёння ў раёне налічваюцца 102 памятныя месцы. 31 з іх уваходзіць у дзяржаўны спіс ахоўваемых аб’ектаў. Гэта 14 архіялагічных помнікаў, 8 помнікаў архітэктуры і 9 – гісторыі. Галоўная задача: дагледзіць і захаваць іх, якая прапісана ў “Законе аб ахове гісторыка-культурнай спадчыны Рэспублікі Беларусь”,  знайшла адлюстраванне і ў раённай праграме.
   З ёй дэпутатаў пазнаёміла начальнік аддзела культуры райвыканкама Наталля Мікалаеўна Апанасёнак.

Напярэдадні 8 Сакавіка ў РДК віншавалі мілых і любых матуль, бабуль, працаўніц усіх галін народнай гаспадаркі. Са святам жанчын павіншавалі старшыня райсавета дэпутатаў Г. М. Шведаў і старшыня раённай арганізацыі ГА “Беларускі саюз жанчын” Н. В. Журко.
  Культработнікі падрыхтавалі святочную праграму.

«Хачу замуж!». Не адзін раз гэтая рэпліка гучала са сцэны РДК падчас тэатралізаванага канцэрта пад такой жа назвай. Прыемны адпачынак і зарад добрага настрою землякам дарылі ўдзельнікі тэатра мініяцюр, які працуе пры РДК пад кіраўніцтвам метадыста Алесі Цапоты.

На павышэнне ролі кнігі, фарміраванне павагі і любові да мастацкага слова нацэлены ўказ Прэзідэнта Беларусі, які абвясціў бягучы год Годам кнігі. Выпадковасць гэта ці не, але на 2012-ы прыпадаюць некалькі значных юбілейных дат класікаў беларускай літаратуры Якуба Коласа, Янкі Купалы, Максіма Танка. Усё гэта пры планаванні сваёй работы на бягучы год і ўлічылі бібліятэкі раёна, якія насыцяць свае будні рознымі тэматычнымі мерапрыемствамі.

У апошнія дні 2011 года ў раённым гісторыка-краязнаўчым музеі адкрылася выстава касцюмаў нацыянальных мяншынстваў Кітая пад назвай “Няхай квітнеюць сто фарбаў”. Экспанаты, выстаўленыя тут, прадастаўлены ўстанове культуры з фондаў пасольства гэтай краіны ў Беларусі.

Выстава пад такой назвай дзейнічае ў раённым гісторыка-краязнаўчым музеі. На бліжэйшы месяц выставачная зала ўстановы культуры ператварылася ў скарбонку рэдкіх цудаў прыроды.

  — Экспазіцыя ўключае каля двух дзясяткаў прыродных мінералаў, — расказвае старшы навуковы супрацоўнік Таццяна Уладзіміраўна Ганчарова. – Тут можна пабачыць такія камяні, як горны крышталь, тыгровае вока, агат, чорны онікс і іншыя камяні, а таксама прыродныя выкапні – вугаль і торф, якія таксама адносяцца да катэгорыі мінералаў.

У 11-ты раз на абласное свята народнага гумару “Смяяцца  — не грэх” у Шуміліна з’ехаліся культработнікі Віцебшчыны. Наш раён на гэтым культурным форуме прадстаўляла клубнае аматарскае аб’яднанне нацыянальнай кухні “Бараболя” Вярхоўскага СДК, якім кіруе Наталля Лісічонак, а ў намінацыі “Індывідуальны выканаўца” выступіла метадыст РДК Алеся Цапота.