У мэтах актывізацыі работы па захаванні гісторыі Прыдзвіння, каардынацыі дзейнасці ўсіх органаў і ўстаноў пры райвыканкаме створаны каардынацыйны савет па пытаннях аховы гісторыка-культурнай спадчыны Бешанковіцкага раёна.
Узначаліў яго намеснік старшыні райвыканкама па сацыяльных пытаннях Мікалай Анатольевіч Заблоцкі, яго намеснікам абрана начальнік аддзела культуры райвыканкама Наталля Мікалаеўна Апанасёнак.
У лютым прайшло першае арганізацыйнае пасяджэнне, на якім абмяркоўвалася праграма па захаванні гісторыка-культурнай спадчыны рэгіёна на 2012-2016 гады. Каардынацыйны савет будзе курыраваць пытанні рэстаўрацыі і рэканструкцыі гістарычных помнікаў, выканання навуковых даследаванняў, выкарыстання і прымянення матэрыяльных каштоўнасцяў з мэтай папулярызацыі іх сярод насельніцтва.