Паважаныя супрацоўнікі і ветэраны рэдакцыі газеты «Зара»!
Сардэчна віншуем вас з прафесійным святам — Днём друку!
Сродкі масавай інфармацыі выконваюць у грамадстве важную ролю. Дзякуючы вашай нялёгкай і ганаровай працы ідзе своечасовае інфармаванне жыхароў пра падзеі, што адбываюцца не толькі на Бешанковіччыне, але і ў вобласці, краіне і свеце. Вы асвятляеце актуальныя праблемы, якія цікавяць грамадзян, тым самым дапамагаючы ў іх вырашэнні.
Таму праца журналіста патрабуе не толькі шырыні поглядаў, чуласці ўспрымання, але і ўмення ўзважана і аб’ектыўна ацаніць падзеі, якія адбываюцца.
Выказваем удзячнасць за вернасць свайму прызванню і абавязку, за прафесіяналізм і творчасць. Прыміце пажаданні моцнага здароўя, дабрабыту і новых творчых перамог!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
