Паважаныя жыхары і госці Бешанковіцкага раёна!
Прыміце самыя шчырыя віншаванні з Днём вызвалення Бешанковіцкага раёна ад нямецка-фашысцкіх захопнікаў!
26 чэрвеня — адна з самых светлых дат, навечна ўпісаных у гісторыю нашай малой радзімы. 81 год таму з тэрыторыі нашага раёна канчаткова быў выгнаны жорсткі і ненавісны вораг.
У гэты ўрачысты і радасны дзень мы з удзячнасцю ўспамінаем імёны тых слаўных землякоў, хто ў гады Вялікай Айчыннай вайны да смерці змагаўся за родную зямлю, хто ў жудасныя дні акупацыі не даваў спакою фашысцкім захопнікам, цаной уласнага жыцця набліжаў Перамогу.
Няхай над нашай зямлёй заўсёды будзе мірнае неба, а ў кожным доме пануюць любоў, шчасце і дабрабыт!
Галіна Унуковіч, старшыня раённага выканаўчага камітэта.
Генадзь Шведаў, старшыня раённага Савета дэпутатаў.
