Шаноўныя работнікі і ветэраны раённага аддзела па надзвычайных сітуацыях!
Прыміце шчырыя віншаванні з Днём пажарнай службы Рэспублікі Беларусь!
Ваша праца заўсёды была справай мужных людзей, бо спалучана з трывогамі і небяспекамі, пераадоленнем цяжкасцяў і рызыкай. Яна прад’яўляе да вас асаблівае патрабаванне – уменне хутка прымаць рашэнні, ад якіх залежаць жыццё і здароўе людзей. Кожны выклік – як выпрабаванне, і вы з гонарам яго праходзіце. Мы ўшаноўваем вашу смеласць, адвагу і самаахвярнасць.
Вялікі дзякуй за высокі прафесіяналізм, забеспячэнне бяспекі жыхароў раёна, прафілактычную работу. Вы заўсёды на варце, у любую хвіліну гатовы прыйсці на дапамогу, уступіць у барацьбу з небяспечнай вогненнай стыхіяй. Асаблівыя словы ўдзячнасці выказваем ветэранам службы за вернасць абавязку і добрасумленнасць. За тое, што захавалі і прымножылі слаўныя традыцыі, перадалі свае веды і вопыт маладому пакаленню супрацоўнікаў.
Жадаем вам моцнага здароўя, шчасця, сямейнага дабрабыту, невычэрпнага аптымізму і далейшых поспехаў у нялёгкай, але ганаровай працы!
Галіна УНУКОВІЧ,
старшыня раённага выканаўчага камітэта.
Аляксандр ЕРАШОЎ,
старшыня раённага Савета дэпутатаў.
