Шаноўныя работнікі і ветэраны архіўнай службы Бешанковіцкага раёна! Сардэчна віншуем вас з Днём архівіста!
Архіў – гэта жывая памяць раёна, яго гісторыя, лёсы людзей і надзейная аснова для будучых рашэнняў. Ваша праца патрабуе не толькі прафесійных ведаў, але і цярпення, акуратнасці, адказнасці і глыбокай павагі да мінулага. Дзякуючы вам захоўваецца дакументальная спадчына, умацоўваецца сувязь пакаленняў, а гісторыя роднага краю застаецца дакладнай і даступнай.
Асаблівыя словы ўдзячнасці выказваем ветэранам архіўнай службы, якія стваралі і развівалі гэты важны напрамак, перадаюць маладым спецыялістам вопыт і лепшыя традыцыі.
Дарагія сябры! Жадаем вам моцнага здароўя, дабрабыту, упэўненасці ў заўтрашнім дні, новых прафесійных дасягненняў і заслужанага прызнання. Няхай ваша карпатлівая праца заўсёды знаходзіць водгук у чалавечых сэрцах і павагу, а ў жыцці будзе больш цеплыні, міру і радасці!
Галіна УНУКОВІЧ, старшыня раённага выканаўчага камітэта.
Аляксандр ЕРАШОЎ, старшыня раённага Савета дэпутатаў.
