В Бешенковичском районе выполнены все стандарты в области почтовой и электросвязи

Общество

   Істотна палепшыць жыццё вяскоўцаў — першарадная задача сённяшняга дня. Гаворка ідзе аб стварэнні такога ўкладу жыцця на вёсцы, які цалкам адпавядае эканамічным і культурным рэаліям ХХI стагоддзя.
   Для таго, каб людзі адчулі, што ўлада не проста час ад часу імкнецца аказаць нейкую дапамога, а сістэмна абараняе сваіх грамадзян, было прынята рашэнне на дзяржаўным узроўні распрацаваць выразную сістэму стандартаў, якія вызначаюць выгляд і якасць найважных сацыяльных паслуг у сферы адукацыі, аховы здароўя, культуры, жыллёва-камунальнай гаспадаркі, гандлю, транспарту, сувязі, бытавога і сацыяльнага абслугоўвання.
  У нашым раёне ўкаранёны 41 дзяржаўны сацыяльны стандарт па абслугоўванні насельніцтва. У рамках дзяржаўнай праграмы адраджэння і развіцця вёскі на 2005 – 2010 гады на Прыдзвінні абуладкаваны 12 аграгарадкоў. Выкананы і ўсе стандарты ў галіне паштовай сувязі і электрасувязі. Усе аддзяленні паштовай сувязі забяспечаны камп’ютарамі.
  У Вярхоўскім аддзяленні, напрыклад, паслуга доступу да сеткі Інтэрнэт з’явілася гадоў пяць таму назад, калі ўзводзіўся аграгарадок. Тады яна была больш запатрабавана. Зараз на пошту пакарыстацца камп’ютарам людзі прыходзяць больш улетку. За дзве з невялікім тысячы рублёў можна цэлую гадзіну блукаць па прасторах “сусветнай павуціны” ці гуляць у камп’ютарныя гульні. “Цяпер, — расказваюць паштавікі, — калі школьнікі пайшлі на заняткі, камп’ютар часцей за ўсё прастойвае. Ды і ў апошнія гады многія вярхоўцы ўжо набылі для сябе камп’ютарную тэхніку”.
    Самымі запатрабаванымі паслугамі сёння ў Вярхоўскім аддзяленні паштовай сувязі з’яўляюцца продаж тавараў, падпіска і  аплата разнастайных плацяжоў. Пару месяцаў таму ў аграгарадок прыйшло інтэрактыўнае тэлебачанне  ZALA.



Добавить комментарий

Ваш e-mail не будет опубликован. Обязательные поля помечены *