В Бешенковичском районе работники центральной библиотечной системы сделают февраль насыщенным на мероприятия

2017 год - Год науки

Работнікі цэнтральнай бібліятэчнай сістэмы запланавалі на люты шмат цікавых мерапрыемстваў, каб жыхары Прыдзвіння не засумавалі дома.


Напрыклад, 12 чысла цэнтральная раённая бібліятэка правядзе тэматычны вечар, прысвечаны 205-годдзю з дня нараджэння мастака-жывапісца, нашага земляка Івана Хруцкага. У гэты ж дзень у раённай дзіцячай бібліятэцы пройдзе свята кнігі і чытання «Лепшы чытач года-2014».


Дзень закаханых запомніцца жыхарам Бешанковіччыны мерапрыемствамі «Усё пачынаецца з кахання» (Ржаўская сельская бібліятэка), «Гісторыя кахання» (Пліская бібліятэка-клуб). Крупенінская сельская бібліятэка сустрэне свята турнірам у гонар кахання.


15 лютага віртуальнае падарожжа ў Белавежскую пушчу «Дзе жыве зубраня?» чакае дзяцей у Бешанковіцкай гарпасялковай бібліятэцы. 17 лютага на літаратурна-музычны час «Аб чым шумелі сосны?» запрашае Вярхоўская сельская бібліятэка.


19 лютага запланаваны мерапрыемствы «Да роднай мовы крок зрабі» (цэнтральная раённая бібліятэка) і «Урокі роднага слова» (Задарожская сельская бібліятэка). Экскурс у гісторыю «Мова Скарыны, Купалы, ты не знікла ў вяках» правядуць у Драздоўскай сельскай бібліятэцы 22 лютага.


23 чысла прыдзвінцы змогуць паўдзельнічаць у конкурсных праграмах «Слава і гонар Абаронцам Айчыны» (Рубежская сельская бібліятэка) і «Сапраўдны мужчына дня» (Сокараўская сельская бібліятэка), паглядзець літаратурна-музычную кампазіцыю «А памяць нам супакою не дае» (Сініцкая сельская бібліятэка).


Скончыцца люты фальклорнымі вячоркамі «Гуляй, народ, Масленіца ідзе!», якія правядуць у Ульскай сельскай бібліятэцы.



Добавить комментарий

Ваш e-mail не будет опубликован. Обязательные поля помечены *