Обладателем кубка стала команда УКП ЖКХ «Бешенковичский коммунальник»

Спорт

Адкрыты Кубак раёна па валейболе сярод прадстаўнікоў моцнай паловы чалавецтва прайшоў на базе ФСК «Дзвіна». Ролю спонсара спаборніцтва на сябе ўзяла раённая арганізацыя РГА «Белая Русь».

Адзін з напружаных момантаў спартыўнай «бітвы».

Адкрыты – значыць арганізаваны ў імя дружбы з тымі, хто выйдзе на пляцоўку, дзе ўсе: і прафесійны гулец, і аматар, што заседзеўся ў заўзятарах, нягледзячы на род дзейнасці і пасады, становяцца роўнымі, бо іх аб’яднойвае адзіная мэта. Мерапрыемства атрымалася даволі масавым, ды і гледачоў сабралася нямала. Удзел у турніры прынялі сем каманд: спартсмены аграгарадкоў Бачэйкава, Будзілава і Астроўна, УКП ЖКГ «Бешанковіцкі камунальнік», РАНС, ДЮСШ, а таксама зборная каманда бешанковіцкіх аматараў спорту «Зорка».

Увесь дзень вялася спартыўная «бітва». Валейбалісты стаміліся, а інтрыга, хто стане лепшай камандай, захоўвалася да самага канца, тады ж і барацьба стала асабліва гарачай і ўпартай. Напружанне на пляцоўцы служыла дэтанатарам для груп падтрымкі. Амаль роўны лік, невялікі адрыў – і ў гледачоў зацеплілася надзея: а ну як адолеем? Калі распачаўся выніковы матч, здавалася, што ад іх воклічаў вось-вось падымецца дах спарткомплексу.

Уручэнне заслужаных узнагарод.

З неверагоднай упартасцю і сілай волі змагаліся камунальнікі і прадстаўнікі зорнай каманды, таму не дзіва, што менавіта яны заваявалі золата і серабро турніру. Бронзу ўзяў РАНС. Лепшым гульцом быў прызнаны, прычым аднагалосна, Уладзімір Яцук з УКП ЖКГ «Бешанковіцкі камунальнік». Калі радасць перамогі крыху астыла, каманды сабраліся на памятную фотасесію. Калі-небудзь потым, праз гады, гэтыя фотаздымкі нагадаюць ім самыя вострыя моманты барацьбы, і жыццё зноў зайграе яркімі фарбамі.

Марыя САНЬКО.



Теги:

Добавить комментарий

Ваш e-mail не будет опубликован. Обязательные поля помечены *