У мэтах забеспячэння насельніцтва раёна бульбай, плодаагароднінай і іншай сельгаспрадукцыяй, таварамі народнага спажывання ў суботу, 5 кастрычніка, у райцэнтры будзе арганізаваны восеньскі кірмаш.
Гандлёвыя рады размесцяцца на цэнтральнай плошчы на вуліцы Камуністычнай. Кірмаш пачнецца ў 9 гадзін. Яго музычнае суправаджэнне возьме на сябе раённы вузел электрасувязі. Ствараць святочны настрой для землякоў будуць работнікі культуры, а пра ахову грамадскага парадку паклапоцяцца супрацоўнікі РАУС.
Традыцыйна ўдзел у кірмашы прымуць сельскагаспадарчыя арганізацыі, фермерскія гаспадаркі, райспажыўтаварыства і індывідуальныя прадпрымальнікі.
Алена МАРОЗАВА.