У абласных занальных спаборніцтвах па валейболе сярод дзяцей і падлеткаў, што прайшлі ў аг. Ноўка, нашы землякі — вучань СШ №2 г. п. Бешанковічы Максім Каравач, Канстанцін Паўленка з Ржаўскай д/с-БШ і астровенскія школьнікі Канстанцін Карэлін, Уладзіслаў Ільюшэнка, Мікіта Праснякоў, Аляксей Прышчэпаў — заваявалі першае месца ў сваёй групе.
У фінальных спаборніцтвах каманда Бешанковіччыны выйшла на чацвёртае месца ў турнірнай табліцы, паколькі дубровенскія валейбалісты ў трэцяй партыі апярэдзілі нашых на два ачкі.
На абласных занальных спаборніцтвах па валейболе ў рамках спартакіяды «Каласок» для дзяцей і юнацтва аграгарадкоў і сельскіх населеных пунктаў бешанковіцкія спартсмены выступілі годна. Яны сталі лепшымі ў сваёй групе. У складзе раённай зборнай былі Юрый Хадзянок (СШ№1 райцэнтра), Канстанцін Паўленка, Арцём Сінякоў (Ржаўская д/с-БШ), астровенцы Антон Краўцоў і Мікіта Праснякоў, а таксама Артур Тырсаў (Каранеўская д/с-БШ) і Цімафей Лукашоў.