Маладыя працаўнікі ЗАТ «ААБ-Агра Наватар», напрыклад, сумесна з актывам РК ГА «БРСМ» навялі парадак ля воінскага пахавання ў вёсцы Саннікі, пасля чаго арганізавалі тут мітынг-рэквіем: запалілі лампады і ўспомнілі пра герояў, што загінулі ў гады вайны на бешанковіцкай зямлі.
— Беларусь — маладая суверэнная і незалежная дзяржава. Але, нягледзячы на свой юны ўзрост, яна мае багатую гісторыю і традыцыі. І мы, моладзь, разумеем сваю адказнасць за будучыню краіны. Адной з галоўных нашых задач з’яўляецца захаванне гістарычнай памяці пра подзвіг прадзедаў і дзядоў у гады Вялікай Айчыннай вайны, — адзначыла ў сваім выступленні першы сакратар РК ГА «БРСМ» С. Жыгун. — Толькі захоўваючы і паважаючы памяць пра наша гераічнае мінулае, мы можам смела глядзець наперад.
Кацярына ПЕТУХОВА.