Первыми к заготовке кормов приступили в СУП «Вядерево»

Актуально Заботы сельские

Тое, што менавіта гэта гаспадарка дала старт раённай касавіцы, зусім не азначае, што вядзераўцы зараз адчуваюць недахоп у кармавой базе, наадварот, тут кармоў хапае — ёсць яшчэ дзве некранутыя траншэі з сіласам, хоць у сельгаспрадпрыемстве ў цяперашнім рацыёне жывёлы стабільна выкарыстоўваюць і свежую «зялёнку». Ранні запуск «зялёнага канвеера» ў «Вядзераве» тлумачыцца інакш: у гаспадарцы ўмеюць пралічваць на перспектыву, своечасова ўсё выконваць і ў выніку маюць дастатковы запас кармоў. А гэта ў сваю чаргу станоўча адбіваецца на жывёлагадоўлі (на зімоўцы тут знаходзяцца каля 2 тысяч галоў буйной рагатай жывёлы).

    Па словах намесніка дырэктара СУП «Вядзерава» С. Ф. Краўчанкі, у гаспадарцы першым укосам трэба скасіць больш за 1300 гектараў траў. Дарэчы, гэтым летам вядзераўцы плануюць арганізаваць тры ўкосы, гэта яшчэ адна прычына ранняга выхаду ў поле. На ўчарашні дзень было скошана 360 гектараў, нарыхтавана 1937 тон сенажу (835 з іх закладзены ў траншэі, 1102 тоны спакаваны ў палімерную плёнку). Дру-гі ўкос у гаспадарцы правядуць да пачатку ўборачнай кампаніі (увесь зялёны корм спрасуюць у плёнку), трэці — пасля жніва. На гэты раз вялікую стаўку ў «Вядзераве» зрабілі на кукурузу. Ёй адвялі 437 гектараў. Зараз на кукурузных палях праводзіцца хімпраполка, закупляюцца ўгнаенні. «Нават пры самай сціплай ураджайнасці культуры мы зможам атрымаць каля 12 тысяч тон кармоў», — адзначыў Сяргей Фёдаравіч.

    Тым часам працоўная вахта вядзераўскіх працаўнікоў на касавіцы доўжыцца ўвесь светлавы дзень. Для механізатараў і ўсіх, хто заняты на нарыхтоўцы кармоў, арганізавана гарачае харчаванне. Абеды дастаўляюцца прама ў поле. Працоўнае звяно па корманарыхтоўцы ў «Вядзераве» невялікае, але тэхнікі і людзей цалкам дастаткова для вырашэння пастаўленай задачы. На касілках працуюць Яўген Лявоненка і Віталь Гайдукоў, на граблях — Аляксандр Гайдукоў і Анатоль Громаў. Здрабняе травяную масу на КВК-800 Аляксей Дзенісенка. На адвозцы сенажу працуюць Ула-дзімір Семянькоў (малодшы), Іван Лявоненка і Аляксандр Чунаеў. На ўтрамбоўцы будучага корму шчыруюць Анатоль Нікіфарэнка і Леанід Іваноў. За рулём прэса — Сяргей Бутанаў.

    Праца ў сельгаспрадпрыемстве пастаўлена такім чынам, што тэхніка не прастойвае ні хвіліны. І пакуль усталявалася сонечнае і сухое надвор’е, механізатары плануюць паспець як мага больш нарыхтаваць грубых і сакавітых кармоў, пацвярджаючы народную мудрасць пра тое, што летні дзень год корміць.

   Святлана ВАРОШКА.



Теги:

Добавить комментарий

Ваш адрес email не будет опубликован. Обязательные поля помечены *