Шаноўныя фінансісты, работнікі і ветэраны банкаўскай сферы Бешанковіччыны!
Віншуем вас з прафесійным святам!
Развітая банкаўская і фінансавая сістэма — надзейная апора эканомікі, адна з асноў стабільнасці і дабрабыту краіны, вобласці, раёна. Сучасныя рэаліі прад’яўляюць да вас сур’ёзныя патрабаванні — гэта высокая кваліфікацыя, граматны менеджмент, уменне працаваць з людзьмі, добрасумленнасць, самаадданая праца. Упэўнены, што ваш прафесіяналізм, канструктыўнае і адказнае стаўленне да даручанай справы і ў далейшым будуць садзейнічаць росту вытворчасці, актывізацыі дзелавога жыцця, укараненню эфектыўных метадаў гаспадарання, павышэнню дабрабыту жыхароў Бешанковіччыны. Няхай кожны дзень прыносіць фінансавыя поспехі, а новыя мэты дапамагаюць паляпшаць фінансавую і інвестыцыйную прывабнасць нашага раёна.
Жадаем вам моцнага здароўя, шчасця і дабрабыту, удалых праектаў і новых ідэй!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.