Помнік Леніну на былой гандлёвай (базарнай) плошчы ў Бешанковічах быў устаноўлены ў 1925 годзе, разбураны гітлераўскімі захопнікамі ў 1941-м. У сямідзясятых гадах былога стагоддзя на пастаменце збудаваны помнік камсамольцам і моладзі, а месца атрымала назву «Парк камсамольцаў». На заднім плане пацярпелая падчас баёў 5-8 ліпеня 1941 года Свята-Ільінская царква. Фотаздымак 1941 года.
Уезд на мост праз раку Заходняя Дзвіна ў г.п. Ула. Калона нямецкай тэхнікі перад мостам, сярэдні пралёт якога падарваны войскамі Чырвонай Арміі, зварочвае налева і па вуліцы Ленінская рухаецца да двух пантонных перапраў праз раку. Фотаздымак 1941 года.
Бешанковічы, ліпень 1941-га года. Самалёт над Заходняй Дзвіной.
Фота ваеннага часу. Гараць Бешанковічы. На месцы дамоў — адны коміны.