Шаноўныя настаўнікі, работнікі сферы адукацыі і ветэраны педагагічнай працы Бешанковіцкага раёна!
Прыміце шчырыя віншаванні з прафесійным святам!
Быць настаўнікам – гэта асаблівы талент. Сваім выхаванцам вы даяце веды, развіваеце лепшыя асабістыя якасці, здольнасці творча думаць і прымаць самастойныя рашэнні. Наша бясконцая ўдзячнасць настаўнікам і выхавацелям, метадыстам, усім, хто штодня перадае свае веды і вопыт дзецям, выхоўвае ў падрастаючага пакалення любоў да сваёй Радзімы. Работнікі адукацыйных устаноў Бешанковіччыны – мэтанакіраваныя, ініцыятыўныя і творчыя людзі, якія шчыра любяць сваю працу і заўсёды імкнуцца да павышэння прафесійнага ўзроўню.
Асобай падзякі заслугоўваюць ветэраны сферы, што не толькі ўнеслі вялікі ўклад у справу выхавання і адукацыі многіх пакаленняў бешанкавічан, але і перадалі свае вопыт і веды сённяшнім педагогам – годным прадаўжальнікам традыцый гэтай высакароднай прафесіі.
Дарагія сябры, жадаем моцнага здароўя, сямейнага дабрабыту, шчасця і міру вам і вашым блізкім! Разам са сваімі выхаванцамі дасягайце самых складаных вяршынь навук, асвойвайце новыя тэхналогіі, здзяйсняйце адкрыцці, стварайце і перамагайце! Няхай вочы вашых вучняў і шчырая падзяка іх бацькоў будуць невычэрпнай крыніцай аптымізму і творчасці, а падтрымка блізкіх ўсяляе ўпэўненасць ва ўласныя сілы!
Раённы выканаўчы камітэт.
Раённы Савет дэпутатаў.
