Шаноўныя воіны-інтэрнацыяналісты Бешанковіцкага раёна, ветэраны вайны ў Афганістане!
Гэты дзень памятны для ўсіх нас. Схіляем галовы перад вашым подзвігам, аддаём даніну павагі і найглыбокай удзячнасці за сумленна і мужна выкананы воінскі і грамадзянскі абавязак. Незагойнай ранай у сэрцах жыве горыч страты баявых сяброў, родных і блізкіх. Падзяляем ваш смутак і боль…
Сыны нашай Радзімы самааддана выконвалі баявыя задачы, імкнучыся прынесці на афганскую зямлю мір і спакой, даказалі, што вартыя гераізму бацькоў і дзядоў, якія перамаглі фашызм у гады Вялікай Айчыннай. Сёння, у мірны час, вы дэманструеце прынцыповую жыццёвую пазіцыю, уносіце важкі ўклад у патрыятычнае выхаванне маладога пакалення, падтрыманне згоды і стабільнасці ў грамадстве.
Жадаем ветэранам усіх войн і ўзброеных канфліктаў дабрабыту, шчасця, поспехаў ва ўсіх пачынаннях! Моцнага здароўя вам і вашым сем’ям! Няхай будзе мірнай будучыня Беларусі, а вашы справы і памкненні служаць на карысць Айчыне!
Галіна УНУКОВІЧ, старшыня раённага выканаўчага камітэта.
Аляксандр ЕРАШОЎ, старшыня раённага Савета дэпутатаў.
