Паважаныя работнікі бытавога абслугоўвання насельніцтва і жыллёва-камунальнай гаспадаркі Бешанковіцкага раёна, ветэраны галіны!
Ад імя раённага выканаўчага камітэта і раённага Савета дэпутатаў шчыра віншуем вас з прафесійным святам!
Сфера, у якой вы працуеце, з’яўляецца адной з самых складаных і сацыяльна значных. Ад вашай штодзённай працы, прафесіяналізму і адказных адносін да справы напрамую залежаць камфорт і дабрабыт жыхароў нашага раёна, бесперабойная дзейнасць прадпрыемстваў і сацыяльных аб’ектаў, чысціня і парадак на нашых вуліцах.
Сёння перад вамі стаяць важныя задачы па мадэрнізацыі аб’ектаў жыллёва-камунальнай інфраструктуры, павышэнні якасці аказваемых паслуг і добраўпарадкаванні бешанковіцкага краю. Упэўнены, што назапашаны вопыт і вернасць прафесійнаму абавязку дазволяць вам і надалей паспяхова спраўляцца з усімі пастаўленымі задачамі.
Асаблівыя словы ўдзячнасці мы адрасуем ветэранам галіны, якія заклалі трывалы падмурак камунальнай службы раёна, перадалі свой бясцэнны вопыт і працоўныя традыцыі маладому пакаленню.
Жадаем усім моцнага здароўя, невычэрпнай энергіі, вытворчых поспехаў і аптымізму. Няхай вашы намаганні заўсёды знаходзяць водгук у сэрцах людзей і ўзнагароджваюцца іх падзякай! Шчасця, міру і дабрабыту вам і вашым сем’ям!
Галіна УНУКОВІЧ,
старшыня раённага выканаўчага камітэта.
Аляксандр ЕРАШОЎ,
старшыня раённага Савета дэпутатаў.
