Паважаныя работнікі і ветэраны раённай газеты «Зара»!
Прыміце віншаванні з прафесійным святам — Днём друку!
Гэта цудоўнае свята аб’ядноўвае ўсіх тых, хто сваёй стваральнай працай забяспечвае адзіную інфармацыйную прастору, задае маральныя арыенціры, фарміруе грамадскую думку.
Друкаванае слова мае вялікую сілу, яму падуладна многае, калі надаць правільную форму і ўмела ім распарадзіцца. Ваша прафесія, асабліва ва ўмовах сусветнага інфармацыйнага супрацьстаяння, ускладае на вас выключную адказнасць перад грамадствам.
Прыміце словы ўдзячнасці за нялёгкую і адказную працу. За аўтарскае меркаванне, шчырыя рэпартажы, разнастайнасць публікацый. За актыўную, сумленную, адкрытую грамадзянскую пазіцыю. За важкае і аргументаванае слова.
Няхай ваша дзейнасць служыць дабру і стварэнню. Здароўя, шчасця, натхнення і вострага пяра, паспяховай рэалізацыі новых ідэй і праектаў!
Галіна Унуковіч, старшыня раённага выканаўчага камітэта.
Аляксандар Ерашоў, старшыня раённага Савета дэпутатаў.
