У чацвер, 20 верасня, з 11 да 13 гадзін намеснік начальніка ўпраўлення Дэпартамента фінансавых расследаванняў Камітэта дзяржаўнага кантролю па Віцебскай вобласці Андрэй Валер’евіч Лямнёў правядзе «прамую лінію» з жыхарамі раёна, а таксама асабісты прыём грамадзян.
Задаць хвалюючыя вас пытанні А. В. Лямнёву альбо пакінуць яму паведамленне вы можаце ў пазначаны дзень з 11 да 12 гадзін па тэлефоне «прамой лініі» 6-40-59. Асабісты прыём будзе праводзіцца ў малой зале райвыканкама (г. п. Бешанковічы, вул. Чуклая, 13, 3-ці паверх). Папярэдні запіс на прыём ажыццяўляецца па тэлефоне 6-42-45 або ў прыёмнай старшыні райвыканкама.
Падчас размовы з прадстаўніком КДК вобласці, вы можаце падзяліцца вядомымі вам фактамі парушэнняў у сферы прадпрымальніцтва і падаткаабкладання, некампетэнтнасці і бюракратызму з боку чыноўнікаў, абмеркаваць іншыя пытанні, якія ўваходзяць у кампетэнцыю органаў фінансавых расследаванняў.
Святлана ВАРОШКА.