Валейбольная «бітва» педагогаў, у якой прынялі ўдзел таксама работнікі ФСК «Дзвіна», для апошніх была свайго роду размінкай. Гарачая, напружаная і непрадказальная барацьба чакала іх яшчэ і назаўтра.
Таварыская сустрэча па відах спорту сярод работнікаў фізкультурна-спартыўнага клуба ўключала ў сябе элементы баскетбола, гандбола, валейбола, футбола, настольны тэніс і дартс. Такім чынам, і выхадны прайшоў весела, і кожны свае сілы выпрабаваў.
Першае месца па выніках спаборніцтва заваяваў Віктар Тоўпенец, другое — Уладзімір кухто, трэцім стаў Аляксандр Камовіч. Сваіх спартсменаў ФСК узнагародзіў Ганаровымі граматамі, а РК ГА «БРСМ» — салодкімі прызамі.