Сёлета раённае свята «Масленіца адбудзецца ў суботу, 5 сакавіка. Пачатак запланаваны на 10 гадзін. Традыцыйна на цэнтральнай плошчы разгорнецца святочны гандаль, дзе бешанкавічанам прапануюць не толькі масленічную страву — бліны, але і іншую прадукцыю.
Таксама гасцей чакаюць тэатралізаванае прадстаўленне, выставы дэкаратыўна-прыкладнога мастацтва, масленічная забава «Ледзяны слуп», спартыўныя спаборніцтвы, гульнявыя праграмы для дзяцей. Сельвыканкамы падрыхтуюць падворкі, у рамках свята таксама пройдзе конкурс на лепшае афармленне санак «Праводзіны зімы».
Завершыцца мерапрыемства традыцыйным спальваннем пудзіла. Словам, будзе весела і цікава!
