Віншуем вас з прафесійным святам — Днём работнікаў дзяржаўнай статыстыкі!
Толькі прадстаўнікі вашай прафесіі могуць за слупкамі лічбаў убачыць агульную карціну, вызначыць напрамак, разгадаць тэндэнцыі паспяховага развіцця. Праца вашай службы надзвычай патрэбна для прыняцця любога дзяржаўнага рашэння, запатрабавана ў прадпрымальніцтве, навуцы, адукацыі і іншых сферах жыцця грамадства. За кожным статыстычным паказчыкам, за кожнай лічбай і аналітычнай высновай — карпатлівая праца і каласальная асабістая адказнасць. Менавіта таму такі вялікі аўтарытэт статыстыкаў у нашай краіне.
Жадаем вялікага натхнення, каб з лёгкасцю працаваць на любімай ніве, а таксама дабра, шчырасці, росквіту! Няхай лічбы ведаў у вашых руках прыносяць фінансавы дабрабыт роднаму краю!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.