Беларускія цяжкаатлеты прадаўжаюць здабываць узнагароды ІІ Гульняў краін СНД, паведамляе карэспандэнт БЕЛТА.
У вагавой катэгорыі 71 кг серабро заваявала беларуска Сюзанна Валадзько. У суме дваябор’я яна набрала 234 кг (рывок — 104 кг, штуршок — 130 кг). Чэмпіёнкай у гэтым відзе праграмы стала расіянка Зарына Гусалава — 237 кг (108+129), бронзу павязе дамоў кубінская спартсменка Енюшка Мірабаль — 217 кг (96+121). Гэта першая ўзнагарода каманды Кубы на Гульнях.
Таксама сёння ў гродзенскім Лядовым палацы будуць разыграны ўзнагароды яшчэ ў трох вагавых катэгорыях — у дзвюх у жанчын і адной у мужчын.