По случаю годовщины Октябрьской революции в Бешенковичах с концертом выступили гости из Витебска

Общество

Своеасаблівы экскурс у савецкае мінулае чакаў гасцей святочнага канцэрта, прысвечанага 102-годдзю Кастрычніцкай рэвалюцыі. Урачыстасць прайшла напярэдадні знакавай даты ў зале РЦК.

Кампазіцыі савецкай эпохі гучалі ўвесь час, пакуль гледачы ўладкоўваліся на месцах. Былі тут і прадстаўнікі «залатога ўзросту», і моладзь. Той далёкі Кастрычнік змяніў лёс вялікай краіны, стварыў умовы для рэалізацыі такіх асноўных прынцыпаў, як права нацый на самавызначэнне, павага да людзей працы, сацыяльная справядлівасць. Статус дзяржаўнага свята — даніна памяці і падзяка за тое, што мара многіх пакаленняў ажыццявілася: незалежная дзяржава жыве і ўпэўнена ідзе ўласным шляхам развіцця.

Цудоўны настрой і музычныя віншаванні прысутным падарылі госці — артысты Віцебскай абласной філармоніі. «Малінаўка», «Снег кружыцца», «Ля замкавай гары», «Мая краіна» і іншыя любімыя песні ў выкананні вакальнай групы ансамбля «Талака» (на здымках) гледачы сустракалі бурнымі апладысментамі.

Марыя САНЬКО.



Теги:

Добавить комментарий

Ваш e-mail не будет опубликован. Обязательные поля помечены *