У адзін з майскіх дзён на тэрыторыі раёна аддзяленне ДАІ РАУС правяло прафілактычнае мерапрыемства «Азбука дарожнага руху!» да якога далучылася і карэспандэнт газеты “Зара”.
У рамках акцыі часова выконваючы абавязкі начальніка ДАІ Юрый Мікалаевіч Раманаў і інспектар ДПС Аляксандр Міхайлавіч Казак праводзілі гутаркі з вадзіцелямі і пешаходам, нагадвалі імб правілах бяспечных паводзін на дарозе, а таксама правілыперавозкі дзяцей-пасажыраў, выкарыстання святлоадбіўных элементаў у цёмны час. Удзельнікам дарожнага руху ўручалі памяткі з адміністрацыйнай адказнасцю за парушэнне артыкулаў КаАП, якія тычацца тэматыкі акцыі.
Ну і які ж рэйд абыходзіцца без выяўлення парушэнняў? Дзяржаўтаінспектарамі за час правядзення акцыі былі складзены 6 адміністрацыйных пратаколаў. Так, два аўтааматары перавозілі сваіх дзяцей без спецыяльных утрымліваючых прылад, адзін вадзіцель падчас руху размаўляў па тэлефоне, няправільна рухаўся па праезнай частцы адзін веласіпедыст, яшчэ ў аднаго парушальніка адсутнічаў тэхпашпарт на машыну, а таксама прыцягнуты да адказнасці вадзіцеля фуры, які здзейсніў прыпынак і стаянку ў неналежным месцы.
АДАІ нагадвае, што за кіраванне транспартам у стане алкагольнага ап’янення прадугледжана пазбаўленне правоў тэрмінам на 3 гады, а таксама штраф ад 50 да 100 базавых велічынь. А за кіраванне аўтамабілем без правоў пагражае адказнасць у выглядзе штрафу ад 5 да 20 б. в. Не прапусцілі пешахода на пешаходным пераходзе, калі ў першы раз, то атрымаеце штраф да 5 базавых велічынь, пры паўторным парушэнні за год — да 20 базавых велічынь.
Рэйдавыя мерапрыемствы будуць працягвацца і далей, асабліва цяпе,р напярэдадні летніх канікул. Інспектары звяртаюць увагу бацькоў на неабходнасць кантролю за дзецьмі: трэба рэгулярна нагадваць ім правілы дарожнага руху, расказваць, што гэта — вельмі важна, а таксама сачыць, каб на вопратцы дзяцей былі святлоадбівальныя элементы.
Алена МАРОЗАВА.