На Нацыянальным алімпійскім стадыёне «Дынама» падыходзяць да завяршэння спаборніцтвы па лёгкай атлетыцы ў рамках ІІ Гульняў краін СНД, паведамляе карэспандэнт БЕЛТА.
У аўторак удзельнікі ІІ Гульняў краін СНД вызначалі мацнейшых у бар’ерным бегу на 60 м. Беларускія спартсмены заваявалі ў гэтым відзе золата і бронзу: хутчэй за іншых з дыстанцыяй справіўся Ілья Карэба (8,4 сек), трэцім фінішаваў Станіслаў Сцямасаў (8,85 сек). Паміж двума беларусамі ўклініўся Максім Антонаў з Расіі.
Дарэчы, раней на Гульнях Ілья Карэба станавіўся ўладальнікам бронзы ў «гладкім» бегу на 60 м, а Станіслаў Сцямасаў выйграваў медаль той жа пробы ў бар’ерным бегу на 300 м. Следам за юнакамі на дыстанцыю 60 м з бар’ерамі выйдуць дзяўчаты.-